PUISI BUGIS

SADDA LETTENA REFORMASI

Patunruang H.

Mapettang langina paratiwi
Nasalimuri salawu
Si esse-esse waro-waroe
Alamassea-sea menasa mappakainge
Mali rape rimunri tarali bessi

Makkulle gaha ripammekko adatongengnge
Makkulle gaha mate rilemme amaradekangengnge
Inappaki manguju, tamaki taung dua sebbu

Gora maneng mennangro
Purani ripera', ripero, wetunnani marreformasi
Purani riuraga, rekayasa, wettunnani ri urai nasau lasa
Purani ripammekko lampe, wettunnani sisau bicara

Kipatudakkeng rikadera
Temmaelokkeng ritudangi
Kipawakkakkeng amanah
Ajakeng kiakkalepa

Maruru saddae rukka salawu
Nateppajamua tau megae makkutana ri ati
Magapi naompo pajjarenna asennangengnge
Nateppajamupi magarara massappa
Tegangngarei masso'bu tongengnge